Disco: La nuesa hestoria
Canción: 02
Internacionalista
Pela cai Uría vese venir
una gran marea humana
caleyando al ritmu que marca
una gaita asturiana.
Mil banderes de mil collores
ondeen al son del vientu nordés.
Milenta races de mil naciones
chumen culinos delantrel Corte Inglés.
Ten cuidáu con esi fedayín
que sólo fuma roxu llibanés.
Nun-y deas ficha y fala con fidel
que de xuru que lleva papel.
Mira a esi kurdu escanciando un culín
con una camiseta dHô Chi Minh.
Los Sin Tierra dancen una capoeira
y Silvio Rodríguez toca na Escandalera.
Y un cartelu anuncia
a la entrada lautopista:
"Güei Uviéu ye capital
internacionalista".
Ten cuidáu con esi castellels
que ta xubiendo a la catedral.
Arribal tou escolinga una pancarta:
"LAsturianu llingua oficial".
Mira laurreskolari danzando un saltón
y a Labordeta faciendo botellón.
Corderu a la estaca asen los comuneros
y Aida La Fuente entonen los xornaleros.
Y milenta puños llevanten
el mástil duna asturina.
DUviéu a Bagdag trema limperialismu.
Cuba, Irlanda, Palestina.
Y glayíos de lliberación
resuenen con gallardía.
España entera frayada en mil cachinos.
Asturies, Euskadi, Andalucía.
Y un cartelu anuncia
a la entrada lautopista:
"Güei Uviéu ye capital
internacionalista".
Disco: La nuesa hestoria
Canción: 11
Día de comedia
Ultimu vienres dochobre,
el gran día, la gran fartura.
A la puerta casa un maderu xixilando.
La dictadura.
Desfiles de grandeza
nuna pequeña ciudá.
Detrás de la valla la plebe contolada.
Fuercies de seguridá.
Premios Príncipe, menuda humillación.
Pan y circu pagaos con sovención.
Premios Príncipe, somos la risión.
Día de comedia nel Teatru Campoamor.
Dende la mio habitación
véolos por televisión.
Que gran escaparate, cuánta xente importante,
¡H.oder, qué gran promoción!
Con esto y la Santina
vamos sacando pa tirar.
Llambiendo les miseries dun pueblu
que cabalga hacial so funeral.
Premios Príncipe, menuda humillación.
Asturies condergada por una fundación.
Yá tamos fartos desti mogollón.
Día de comedia nel Teatru Campoamor.
Premios Príncipe, menuda humillación.
Opiu mediáticu pa la población.
Si tentruguen di-yos que non.
Día de comedia nel Teatru Campoamor.
Disco: La nuesa hestoria
Canción: 06
Hai que siguir
Toi buscando
la manera de dicite
quhai milenta razones que se llamen como tu.
Y quesperen por ti,
quesperen por ti.
A vegaes
camiento cansáu
que nin siquiera sabrán
que tuviemos equí,
asoleyando un país
que cayó una nueche a la mar,
y na mar y na nueche lu quixeren dexar.
Nin siquiera sabrán
que tuviemos equí
cola voz y les manes
falando damor,
falando de ti,
falando de ti.
Pero ye igual,
hai que facer
del argayu un fueu,
del vientu un hermanu
quespardal calor,
quespardal calor.
Hai que siguir asina y equí.
Hai que siguir, hai que siguir.
Disco: La nuesa hestoria
Canción: 01
Los suaños, suaños son
Coles cartes marcaes ye perfácil ganar,
colos güeyos piesllaos ye agradable vivir,
despaldes al mundiu nun hai porque se marcar,
cola vida arruinada siempres pues ser feliz.
Y pues enfotate nun mundiu irreal,
xubir a esi tren y colar.
Coles manes manchaes de nunca facer na,
cola mente vacía de tantu xorrecer,
colos brazos cayíos como tolos demás,
cola boca tapada pa nun esmolecer.
Y pues enfotate nun mundiu irreal,
xubir a esi tren y colar.
¡Oooh, que baxón! Sólo los fatos viven de la ilusión.
¡Oooh, que baxón! Los suaños, suaños son.
Disco: La nuesa hestoria
Canción: 03
Sonia
Sonia ta orgullosa de ser una muyer,
viste minifalda y botes de tacón,
depílase por eso cuatro vegaes al mes.
Presta-y a ella, que nun hai imposición.
Dende rapacina, suaña con llegar a ser
la moza playboy del añu,
desfilar na Cibeles tamién taría bien.
Sonia ye una moza de les danguañu.
Sonia frayó los complexos
quoprimen a les moces.
Infló les tetes con plásticu
y lleva uñes de collores
Sonia ye superguai, Sonia mola cantidá.
Sonia ye faltosa, pih.a y superficial.
Sonia nun fala usando la llingua asturiana,
una moza tan prestosa nun pue paecer aldeana.
Ella ye modosa, prudente y educada,
y los sábados de nueche yel centru datención.
Una muyer concenciada,
femenina y feminista, la mesma cosa son.
Sonia frayó los complexos
quoprimen a les moces.
Infló les tetes con plásticu
y lleva uñes de collores
Sonia ye superguai, Sonia mola cantidá.
Sonia ye faltosa, pih.a y superficial.
|